Sove Lakay

Si peyi nou divize
Se pake listwa n kache
Yo men m bliye ki janm te pase
Pou nou te ka jwenn liberte
Menm si tou pa tou
Kote n rive
Yo souvan eskandalize n
Si n ta vle sitiyasyon n chanje
Fok nou gen yon limye
Ki pou klere nou.

Fo n cheche yon jan
Pou nou ini nou
Divizyon pa janm bay
Se plis mize l pote
Kon sa na libere
Na va gen plis lone

Lakay se peyi manman n
Lakay se peyi papa n
Si n kraze l kote nou prale
Amerikka pap janm resevwa n
L'Europe ap toujou imilye n

Ann Ale, Ann Ale lakay nou
Ann ale poun sove peyi nou
Se sa selman n bezwen
Chenn solidarite ki pou sove n
Fo n retounen lakay

Ou dim ale
M pa vle ale
Mwen di ou non
Mwen menm pa pwale

Ou dim ale kraze
Ou dim al dechouke
Mwen menm pa pwale

Sonje nou tou se fre
Se pou nou konstwi peyi nou

Eric Charles
---------------