Tragedie

Yon vendredi apre midi mwen tal promenen
Men dan la men ak madam mwen
Nan mitan lari a nou tap mache
Zafe male sa pat nan lide'm
Ee konsa a tout vites yon machin pase,
Li vide madam mwen ate

Doudou di'm se pa vre,
Mwen k'te konprn male pat fet pou mwen
Eske se nan rev mwen ye
Cheri di'm se pa vre (cheri di'm se pa vre)
Mwen k'te konprann male pat fet pou mwen
Eske se on fim kap monte

Sa fe 2 jou mwen lopital, zyem pa janm femen.
Devan pot la, m'ap tan rezilta
Finalman yo louvri pou'm sa rentre
Le a rive pou'm pran santans mwen
E se konsa dokte a di “I am sorry there is no more chance”
Li paralize pou lavi

Doudou di'm se pa vre,
Mwen te konprann male pat fet pou mwen
Eske se se nan rev mwen ye
Cheri di'm se pa vre
Mwen te konprann male pat fet pou mwen
Eske se on fim kap monte

Mwen pa't ka kwe
Fok mwen reziyen'm
Siye dlo nan zye ou cheri, la vi a poko fini
Mwen pa vle we ou kap krye
Si ou krye l'ap pi fatal pou mwen

Tragedi lavi gache tout bel proje
Menm si move van rache tout branch lespwa
Sonje n'te jire, jire ak tout ke'm,
Kelkeswa jan sa ye
Sel lanmo gendwa separe nou

Siye dlo nan zye ou cheri,
La vi a poko fini
Mwen pa vle we ou kap krye
Si ou krye l'ap pi fatal pou mwen

Pouchon ou kwe ou pap kite'm

Le manman ou pat vle'm pou ou
Chawa pa'w se te mwen menm
Si ou andikape, mwen pap lage ou
Mwen pa mechan ase

Le papa ou pat vle'm pou ou
Chawa pa'w se te mwen
Si lavi mete yon obstak devan'n
Ansanm pou'n travese'l
Ansanm fok nou travese
Difikilte la ci nou oblije

Djakout Mizik
-----------------